Íslandsmeistarar annað árið í röð

Um síðustu helgi 9 Okt fór fram Haustrallið sem er jafnframt síðasta keppni ársins, það var haldið fyrir austan fjall í nágrenni við Heklu. Fyrir þessa keppni munaði 4,25 stigum á okkur og Hilmari&Davíð sem aka Mitsubishi Evo. Okkar markmið fyrir þessa keppni var að halda góðum hraða, pressa vel á Hilmar&Davíð og fyrst og fremst að vera á undan þeim eða einu sæti fyrir neðan þá. Það nægir til að tryggja okkur Íslandsmeistaratitilinn. Í viðgerðarhléi eftir akstur um Tungná, Dómadal og Áfangagil vorum við í fyrsta sæti, 3 sekúndum á undan Marra&Ástu og Hilmar&Davíð í þriðja sæti 9 sekúndum á eftir okkur. Semsagt mikil barátta og spenna í gangi   á fyrstu leið eftir viðgerðarhlé um Tungná tókum við besta tímann, 7 sek á undan Marra&Ástu en Hilmar&Davíð ætluðu sér full mikið og sprengdu dekk og óku í mark á sprungnu og töpuðu miklum tíma, þar af leiðandi möguleika á sigri í þessu ralli. Á næst síðustu leið sem var um Dómadal og Bjallahraun lenda Marri&Ásta í því óhappi að intercooler-hosa dettur af og þau töpuðu miklum tíma á þessari leið. Þarna var staðan orðin vænleg fyrir okkur og aðeins ein leið eftir...., það var ekkert slegið af og tókum við lang besta tímann á síðustu leið og trygðum okkur sigur í þessu ralli og Íslandsmeistaratitilinn eftirsótta annað árið í röð  

Fyrir þetta tímabil skiptum við yfir í Subaru og sjáum ekki eftir því. Það var ákveðið að mæta á lítið breytum bíl þetta árið og gefa þeim aðilum langt nef sem höfðu orð á því að 2009 hafi við unnið titilinn bara afþví við vorum á kraftmesta og fljótasta bílnum. Við vinnum fyrstu þrjár keppnirnar í ár á nánast Orginal Subaru Impreza STI, geri aðrir betur, þetta er eitthvað sem engin átti von á nema við  Við vorum að keppa við gríðalega vel útbúna og öfluga bíla. Í alþjóða rallinu veltum við bílnum á annari leið og náðum engum stigum í þeirri keppni, í fimmtu keppninni sem haldin var í nágrenni Ólafsvíkur náðum við öðru sæti eftir skemmtilega keppni við heimamennina Einar&Símon sem aka á Audi, Þeir áttu svo sannarlega skilið að vinna þessa keppni eftir frábæran akstur, mjög efnilegir strákar þarna á ferðinni. Þeir verða skæðir eftir aðeins fleiri sérleiða kílómetra. Við óskum þeim til hamingju með titilinn Nýliðar ársins.  Semsagt af sex keppnum á þessu tímabili vinnum við fjórar keppnir á nánast óbreytum Subaru Impreza STI.  Svo heyrast háværar raddir útí bæ "ef hitt" og "ef þetta".... alltaf þetta stóra EF, gaman að því