Nýtt rallý-ár byrjar með glans :-)

Jæja loksins kominn tími á að setja inn fréttir af liðinu.
Bíllinn kominn með nýtt útlit og allt ný-upptekið...og nýr aðstoðarökumaður.

Nokkrum dögum fyrir fyrsta rallið forfallast Sæmundur sem ætlaði að vera aðstoðarökumaður í allt sumar. Vonandi nær hann að jafna sig fljótlega. Þegar það var orðið víst að Sæmi gæti ekki keppt voru góð ráð dýr.. eftir smá umhugsun var haft samband við Dóra eða Halldór Gunnar Jónsson og sá öðlingur var fljótur að stökkva í hægra sætið og stóð sig eins og hetja allt rallið :-)

Rallið hófst Föstudaginn 13 Maí með 6 sérleiðum.
Á fyrstu leið um Pattersson náðum við besta tíma, reiknuðum ekki með því..
Á annari leið um Pattersson verðum við var við kúplingssnuð á löngum kafla inná leiðinni, þetta var ekki alveg það sem við þurftum.. jæja okkur gekk ágætlega á næstu 4 sérleiðum þrátt fyrir að kúplingin væri að stríða okkur.
Eftir daginn endum við fyrstir eða 9 sek á undan næstu áhöfn.

Á Laugardeginum hófst rallið kl 8.30 á sérleið um Kleifarvatn.
Það var ákveðið strax um morguninn að taka hressilega á fyrstu leið og koma okkar helstu keppinautum á óvart, það tókst svona rosalega vel, við náðum 11 sekúndur betri tíma en næsta áhöfn, sem verður að teljast rúst á svona stuttri leið, eftir þetta jukum við forystuna á næstu leiðum og gátum þar af leiðandi leyft okkur að slaka á síðustu fimm leiðar dagsins.
Okkur tókst að sigra rallið með 34 sekúndur í næstu áhöfn þrátt fyrir að vera með bilaða kúplingu nánast allt rallið...Hlökkum mikið til næsta ralls :-)

Service strákarnir okkar eiga svo sannarlega skilið risa stórt TAKK fyrir frábæra frammistöðu, alltaf jafn ótrúlegir og snöggir að redda málunum, alveg ómetanlegt að hafa svona drengi með okkur, Addi, Hrannar, Elli, Atli, Helgi, Elí, Boggi og Hörður þúsund þakkir fyrir okkur.

Ps: Sögur hafa heyrst að við og jafnvel fleiri fóru ekki alveg rétta leið einhvertímann í rallinu... ef svo er þá vil ég benda viðkomandi á að kærufrestur sem stendur í klukkutíma eftir að rallinu líkur er einmitt tíminn til að leggja fram svona kærur/athugasemdir. Ekki garga inní skúrum bæjarins eftir að rallinu er löngu lokið!! (oft glymur hæst í tómri tunnu)

Er ekki löngu komin tími til að hætta að baknaga hvorn annan í skúrum bæjarins, þetta gerir engum gott og er alls ekki sportinu til framdráttar.
Reynum að kyngja stoltinu og taka ósigri eins og sannir íþróttamenn..(ég veit það er erfitt) en mætum bara ennþá betur undirbúnir fyrir næsta rall.