Sætur sigur í Skagafirði

 

Eftir góðan undirbúning fyrir þetta rall þá var stefnan sett á sigur og ekkert annað, þrátt fyrir að Sigurður Bragi og Ísak væru í Grúbbu X og teldu ekki stig þá vildum við vinna þetta rall. Á fyrstu leið upp dalinn leit þó út fyrir að þetta gengi ekki upp því bíllinn lét alveg eins og það væri sprungið dekk og við hálfnaðir með leiðina, við ákváðum að halda samt áfram og klára leiðina og kom þá í ljós að þetta var bogin spyrna að aftan sem strákarnir skiptu bara um. Við náðum samt besta tíma í fyrstu ferð en Hilmar og Stefán voru rétt á eftir okkur, leið 2, 3 og 4 gengu svo mjög vel og þegar við komum á Sauðárkrók og einungis tvær leiðir eftir þá vorum við með 29 sek forskot á Sigga og Ísak. Þá var ákveðið að spila á stöðuna eins og svo oft áður og hlífa bílnum, en við bættum svo við forskotið á þessum tveim stuttu leiðum og enduðum 58 sek á undan öðru sætinu og 1,24 sek í 3 sætið. Nú er staðan þannig að við leiðum Íslandsmótið með fullt hús eða 30 stig en bara 6 stig í næstu áhöfn og þrjár keppnir eftir og 32,5 stig í pottinum þetta er því langt frá því búið ennþá. Við erum svo strax farnir að undirbúa okkur fyrir alþjóðarallið sem verður haldið þann 12-14 ágúst og þar ætlum við okkur að ná í sem flest stig. Það er svo merkilegt við þetta rallsumar að lítið breyttu bílarnir eru að standa sig best, bíllinn hjá okkur, Hilmari/Stefáni og Marra/Jón Þórs eru svo til óbreyttir.... það sem er ekki í bílnum það bilar ekki!!!.     Úrslit Rallsins hér að neðan

En næsta rall er langhlaup en ekki spretthlaup og þar mun vera hart barist um fyrsta sætið...

Að lokum viljum við þakka strákunum okkar kærlega fyrir stuðninginn og sérstaklega Kvikk þjónustunni fyrir alla hjálpina